సామాజిక అంతరాలు రగులుతున్న కొండలే!

                                                                                                                      22.07.11

మరణించిన వాణ్ణి పూడ్చడానికి

చారెడు నేలలేదు

విదేశీ కంపెనీలకు

వేలవేల ఎకరాల ధారాదత్తం

హిల్లరీ క్లింటన్

ఆసియా సంపన్న మైనదని

పొగుడుతుంది

తెల్లవాళ్ళ కన్ను

భూమి మీదకు కాదు

భూమి పోరాల్లోకు కూడా

చొచ్చుకెళ్తుంది

శ్రీలంక తమిళుల

మీద వున్న ప్రేమ

భారతదేశంలో దళితుల

మీదలేదే!

అణచివేత ప్రపంచం అంతటా వుంది

సామ్రాజ్య వాది

తన అవసరాల కోసమే మాట్లాడుతుంది

సామాజిక అంతరాలు

ఎప్పుడూ రగులుతున్న కొండలే!