17.4.12
సత్య మూర్తి గారు ఈరోజు మరణించిన సందర్భం గా 1986 లో రాసిన కవిత
విప్లవ సూర్యుణ్ణి
ఆకాశం నుండి
భూమికి దించినవాడు
తెలుగు సాహిత్యానికి
నరుడూ, భాస్కరుడూ,
చెల్లి చంద్రమ్మకు
నిజమైన అన్న
ఆకాశాన్ని
నక్షత్రాన్ని ఏరుని
అలని
పోరాటానికి
సంకేతం
చేసిన వాడు
పోరాట సత్యమే
మూర్తిగా కలవాడు
కటకటాల్లో
కారడవుల్లో
తెలుగు వారి "హోచ్ మాన్ గా
వెలుగొందిన వాడు
ఎవరు కాదన్నా
అవునన్నా
తెలుగు వారి విముక్తి భానుడు
సుర కుటుంబం నుండి
బైటకు నెట్ట బడ్డ సూర్యుడుల్లా
దగా పడిన వాడు
అతడే
శివ సాగరుడు
తెలుగు వీరుడు
గర్వించ దాగిన
విప్లవ వీరుడు
నరుడు ...
భాస్కరుడు ...
No comments:
Post a Comment