స్వాతంత్ర్యం జిందాబాద్ !!

                                                                                                      15.8.11

అరవై ఐదు ఏళ్ళ స్వాతంత్ర్యం

నలభై ఐదు శాతం మందికి

చదువు లేదు !

అప్పు ఒక మంత్రం,

అవినీతి ఒక తంత్రం

పార్లమెంటు ఒక యంత్రం

దిల్లు లేని బిల్లులు

పాసవడం ఒక ఫార్మాలిటీ

మూడువేల ముప్పైమూడు కోట్లు

గిరిజనుల కోసం

తవ్వుకు వెళ్ళే నిధులు మాత్రం

లక్షల కోట్లు

కంటికి దృశ్యం కనబడుతుంది

చెవికి శబ్దం వినబడుతుంది

2జి లు , 3జి లు ఓకే

రొట్టె మాటేమిటి ?

రాజ్యంలో భాగస్వామ్యం మాటేమిటి ?

స్వాతంత్ర్యం నాడైనా

అంబేద్కర్ చూపుడు వేలు సాక్షిగా

 ప్రశ్నించనివ్వండి

స్వాతంత్ర్యం జిందాబాద్ !!