Katti Padmarao is the founder of Dalita Mahasabha that spearheaded the Dalit movement in Andhra Pradesh in the aftermath of killings of Dalits in Karamchedu in coastal Andhra. He has a wide range of writings to his credit. He is the visionary from Coastal Andhra region who welcomed the bifurcation of Andhra Pradesh state.
జైభీమ్
23 .2 .12
అంబేద్కర్ ఓ అస్తమించని సూర్యుడు
అంబేద్కర్ ఓ అస్తమించని సూర్యుడు
తిరుగుతున్న భూగోళం
ప్రవహిస్తున్న నది
పొంగుతున్నసముద్రం
మరోబుద్ధుడు మరో అశోకుడు
భారత రాజ్యాంగ జీవన శిల్పి
ఆయన విగ్రహం ఒక చెరపలేని చారిత్రక గుర్తు
ఒక పరిణామానికి మైలురాయి
ఆయన విగ్రహాన్ని కూల్చటం అంటే
జాతి వ్యక్తిత్వాన్ని కూల్చుకున్నట్టే
తండ్రి కన్నుల్లో బల్లెంతో పోడిచినట్లే
అంబేద్కర్ నిత్య జీవన కళారూపం
ఆయన్ని శిధిలం చేయగలిగిన శక్తి
ఆయన్ని శిధిలం చేయగలిగిన శక్తి
ఏ సమూహానికి లేదు
ఆ మూర్తిత్వాన్ని
అసెంబ్లీ ముందు నిర్మించండి
ప్రజాస్వామ్య సంస్కృతికి బాటలు వేయండి
జైభీమ్ జైభీమ్
డా.కత్తి పద్మ రావు
జీవన సంక్షోభంలో ప్రకృతి సుడులు సృష్టిస్తుంది
17.1.12
జీవన సంక్షోభంలో
జీవన సంక్షోభంలో
ప్రకృతి సుడులు సృష్టిస్తుంది
ఆవాసం లేనివాడు
ఆరుబైట వణుకుతూ
చలిలో పోరాడుతున్నాడు
లక్షలాది గృహాలు
నిర్మిస్తున్నామని ప్రకటనలు!
దుప్పటే ఇవ్వలేని ప్రభుత్వం
గచ్చు మీద వొట్టి వంటితో
నోటుబుక్కులు తలగడ జేసుకున్న
విద్యార్ధిని ఏమి రక్షిస్తుంది?
యిచ్చే చేతికి తీసుకునే చేతికి
మధ్య వెయ్యి చేతులు
మనిషి ప్రకృతిని ఎదిరించాలంటే
సమతుల్య సమజీవనం కావలి.
Dr.Kathi Padma Rao
చలి కూడా ఒక బెబ్బులే
15.1.12
చలి కూడా ఒక బెబ్బులే
ఎముకలు, కీళ్ళు గజగాజా వణుకుతూ
శరీరం ముద్ద అవుతుంది
పొత్తిళ్ళలోని శిశువులు
వెచ్చదనం కోసం ఆరాట పడుతున్నారు
వృద్ధులు వేళ్ళు కొంగర్లుపోయి
చేతికర్ర పట్టుకోలేక పోతున్నారు
యిప్పుడు వెచ్చదనమే వెన్నెల
ప్రకృతికీ మనిషికీ
నిరంతరం ఓ యుద్ధం
Dr.Kathi Padma Rao
Subscribe to:
Posts (Atom)
